خاص بالمسابقه ( عاميه ) ع الشط. بقلم \ أحمد شاهين
إسكندريه فى الشتا
تلقى الشطوط متكلفته
وتخاصم البحر الجميل
لما يعاكسها بميته
أو حتى يبعت رغوته
بتبكته . وتقول بغيير
يرجع يداعب خصرها
على سهوا يفرد شعرها
تضحك تقول له
الصُلح خير
الموج يشاور للرياح
ويقول لها هدى شويه
دا الشط مكسور الجناح
والله دا صعبان عليا
كل البشر هربوا وسابوه
يا ما كانوا فى الصيف
بحضنوه
إتعلموا ليه الأسيه
يا شط مالك متغطى
وفوق جبينك ضاع
خطى
رسمت فوقك أحلامى
حددتها هنا بالسنتى
حتى القصور إللى بنيتها
يا شط ليه كدا هديتها
قاللى الرياح إللى شديده
والموجه لو حتى عنيده
م القسوه لابد تخطى
ع الشط ماشى أنا لوحدى
لا كرسى بان ولا شمسيه
أه م الشتا يا انا يا وعدى
والذكريات هنا حواليا
يا شط عمرى ما هسيبك
رغم المطر والريح ديا
إسكندريه يا حياتى
ع الموج بترقص حكاياتى
دايمآ شايفها بعنيا
دايمآ
شايفها
بعنيا
كلمات \ أحمد شاهين
