مصطفى محمد هارون _الشعر العامي
01064103043 _مصر
#غربتي_غربه_امان
وحيد لكن ونسان ..
اتقالت ف اغاني كتيره زمان ..
ياترى حد حس بإحساس الفنان..
ولا كل واحد سمع الاغنيه ونام ..
يدوبك ما صدق يهرب م الاحزان..
ويدخل عالم الاحلام…
ولا اقولكم اهو كله كلام..
بنضحك بيه ع نفسنا عشان نعدى الايام..
والمشكله عند كل انسان..
هاتولى حد مانمش في يوم زعلان..
اللى بعيد عن اهله والغربه حابساه..
واللى انجرح وقلبه اتعصر ,,نزف ولسه مش قادر ينساه…
واللى انصدم م الحياه…
واللى بيموت من فراق ناس وحشاه..
هاتولي حد مانمش ف يوم من غير دموعه ماغرقت المخده..
هاتولي حد مبسوط وسعيد ف الزمن ده..
بقيت بخاف اصحى من عالم الاحلام..
عشان ماتخضش ماتصدمش لما احلامي تصبح حطام ..
واافضل ابكي ع اطلال الظلام..
وحيد ضعيف لكن برجي لسه ماهجش منه الحمام (اصحابي)..
ياخوفي يهرب الحمام ف يوم م الايام..
وابقى اتحرمت من اجمل صحبه وهبهالي الزمان..
