الاسم / رضا محمد زيادة اسم الشهرة سارة زيادة جمهورية مصر العربية مسابقه شعر العاميه فصول السَّنه زي فصول السَّنه يا حبيبي انا عايشاك أوقات بحسّ معاك وعنيك بتحضني حضن المطر للأرض انك بايماني زي الصلاه والفرض وأمَّا بنتفارق بتسيب على إيدي بصمة خريف ع الورد خطوه ... وأتلفِّت بلقى العروق جفت وألقاك تبص وراك وعيونَّا تتقابل تضحك وأتبسِّم اللهفه تتقسِّم نرجع وبنسلِّم وادينا بتعلم نلقى الدموع حاره مرَّه ورا مرَّه نتعافى بالاحساس وألمح عيون الناس .. اتسمَّرت فينا مرسومه ألف سؤال دي حقيقه ولا خيال الحب يتجسِّد ف اتنين ودابوا ف بعض ؟ كارهين ساعات البعد أمَّا بكون وحدي في كل غنوه ألقاك عصفورة ع الشباك القلب يتنهِّد وعنيَّه بتغمَّض أسرح ف قعدتنا وحرارة الأشواق جوايا تتجدد التلج جوه الكاس فِ لقانا يتبخَّر يرجع ويتكثف ع الزهر في البساتين وبينقش الفساتين قلبين من العشاق كانوا زمان اتنين الحب وحدهم فرعين بقم واحد وأمَّا الربيع بيهل رمشك بيعمل ضِّل للقلب فيفتَّح دبله وطرحه تُل تبقى الزهور بستان يبقى القمر ألوان مع رسمه الحنه معجونه في الجنه وغرام جنان ف جنان يعزف غنا والحان نسمه ف احلامنا ووشوش ف كل مكان تضحك على شوقنا والشمس من فوقنا تغزل نسايم صيف فوق عشنا بتسرح قلبي لقى مطرح مفروش بتهيده فتضمني ايده واغرق ف بحر هواه ولسه انا شايفاه اجمل فصول السنه سارة
