فضفضه .مسابقة الشعر العامى بقلم / شيماء عراقي حميده من مصر

الاسم : شيماء عراقي حميده
البريد : [email protected]
قصيده عاميه

فضفضه

ـ مالك ..
ـ مفيش ..
ـ احكيلي ..
مبحكيش ..
ليه ؟ ..
ـ اصل لو حكيتلك مش هتفهمني
ـ جرب
ـ لاء و حتى لو فهمتني مش هتحس بيا وفي الاخر هتقولي معلش ..
ـ لاء جربني بس ، مش يمكن احس ؟
ـ مخنوق قرفان متضايق ..
زهقان طفشان مش طايق ..
الدنيا بتضيق كل يوم اكتر..
و انا قلبي من كتر ما شال مبقاش يقدر ..
مبقتش اقدر استحمل حاجه ..
و مبقتش طايق اي حاجة ..

الناس بسهوله بتبيع و تخون ..
و لا في حد ل العشره بيصون .
الغدر و الظلم بقوا موجودين على كل لون ..
اصل النداله و القرف بقوا فنون !

ـ ها تحب احكيلك تاني ؟
ـ امممم معلش معلش

ـ ههههههههه معلش ! اها صحيح معلش