فوق سطح بيتنا المتهالك .قصيدة للشاعر / نشأت عادل

المتهالك…

فيه زلعة مِش…

وفرن بلدى..

مخلوط فيه..

الطين ب القش..

………………….

ومطرحة.. مَشَنَّه..

وفيها عيش..

وريحة واصله لل..

نخاشيش..

وقُلَّة متغطية ب…

خيش.

واوضه فيها شوية

عَفْش………………….

……………………

وعشه فيها فراخ…

وديوك.

وتزكارات من ناس

عاشروك..

وع الحيطان مليون

مبروك

وصورة وانت تخين

وب كرش…………..

……………………

وخيط مِلَعْبِكْ مش

سالك.

فوق سطح بيتنا…

المتهالك……………..

…………………….

البط كانن مش……

مبسوط…..

والوِّز راكن مش….

مظبوط…

ب يكاكى لكن من

غير صوت….

وحمامة عيَّانه و…

ب تموت….

وبيضه فاضيه…….

بدون كتكوت…

وواحد اصفر…

وزغنطوط…

تشوفه حتى ف…

ليل حالِك..

فوق سطح بيتنا..

المتهالك…………….

…………………….

أنا فوق سطوح….

المحبه…

ب أجمع ف بيض

الفراخ…

لمحنى ديك إبن..

جزمه………………

كاكا وما بَطَّل……

صراااااااخ…………

لَم الفراخ غصب..

عنى………………….

ماهو أصله ديك..

إبن جِنِّى………….

رقدنى ع البيض.. كأنى………………….

فرخه ف وسط….

الفراخ………………

لمحت فرخه………

مُسِنَّه………………..

وشكلها قاطعه……

بيض………………….

قالتلى أصبر……….

عَشَانَّا………………..

الخير يا نشأت……

ي زيد……………….

رديت وقلت إنتى

مالك………………….

البيض ده مش من

عيالك………………..

فكرانى ليه خير…..

وجالك!!!!!!!!!!!!!!!!!!!!

ماتكونش عاوزانى

أبِيِض!!!!!!!!!!!!!!!!!!!!

الديك قصادى……..

وعُرفُه…………………

واقف كما……………

الأهرامات……………

ماهو ديك مِرَقَّع….

وعارفه……………..

ف العشه ليه………

إنجازات……………..

ديك ع البرابر……..

م سيطر………………

كتاكيته ب تزيد…..

و تكتر…………………

انتاجه الله أكبر……

شغال بلا منشطات

فكرت أقوم كاكا….

تانى…………………..

وزغرلى زغرة………

ديوك…………………

خلانى أثبت………..

مكانى…………………

قاللى الفراخ………..

ح يشوفوك………..

الحمل زاد فوق……

كتافى………………..

والبيض لازم يبقى

دافى…………………

وفراخى ضاربه…..

العوافى………………

وان قمت……………

ح يزَعَلوُك…………..