فى عز البرد .مسابقة شعر العامية بقلم / منير فكرى يونس من مصر

فى عز البرد وانا باجرى
وصحبى يسيب كمان ايدى
مين فى الشدة كان جمبى
ومين فى جراحى يداوينى

فى عز جراحه كنت معاه
ولو هيموت اموت وياه
وادفع من العمر كتير يا صحبى
ولا اسمعش منك اه

بكتب كلامى بدموعى
والنار جوايا فى ضلوعى
ياصحبى وانت بعيد عني
الجرح والأه ماسموعي

بعدك عايش مجروح
مش لاقى طريقى تانى
ماعرفش فين اروح

طريقى بعدك ضلمه
الدنيا شايفها ظالمه
وبتظلم فينا كتير
وعلى الحق احنا ساكتين

طيب نعرف فين طريقنا
ولا فين احنا رايحين
وصحبى فين بقى صحبى
هوا انت ياصحبى فين

بنادى عليك بقى اسمعنى
جرحى منك بيوجعنى
وقلبى بايت حزين

كان عن كل شئ يشكيلك
قلي يشكيك لمين
قلي يشكيك لمين.