حب الخمسين .قصيدة للشاعر / خالد الكردى

حب الخمسين
————-
جايه تقول الحب ده عيبه
وعايرت راسي ياناس بالشيبه
قالت ازاي هنكون حبيبه
واحنا وصلنا خلاص خمسين
———————————
طول مالشمس تمللي تنور
والناس علي رزقها بتدور
والقلب مكانه مايتغير
نبقي نخاف ليه م اللايميين
———————————
اوعي تقولي علينا عواجيز
وشباب من حبنا يتعلم
عمرنا ماهنبقي ف براويز
وهنفضل علي طول نتكلم
——————————-
وحياه الحب اللي جمعنا
بعد سنين هجر وحرمان
انا شايف بكره ف ايامنا
احلي واجمل شوق وحنان
————————-
انا وانتي جمعنا غرام
تعالي نعيشه من تاني
– كفايه يبقي بينا خصام
تعالي وداوي احزاني
حب الخمسين
كلمات
خالد الكردي