الاسم/محمد جمال أحمد
الدوله/جمهورية مصر العربيه
ت/01010374839
الموضوع/شعر عامي
عنوان القصيده/قصه تحفه
القصيده
هو واحد كان عادي خالص
وكان مثال لإنسان بسيط
كأن بيحلم يبقى حاجه
حلمه كان نقطه ف محيط
قابلته شويه مشاكل
بدأت كل يوم تزيد
تقدر تقول أسوء ظروف
والشده مهما تكون اليما
مش هبكي حواليها وهطوف
وصراع بين أملي واحباطي
والناس ايجابيه في غلطاتي
ومجتمعنا عشان مثالي
بيحب يحاسب الناس بالناس
من غير مايبرر مواقفهم
بيحب يكسر مقديفهم
فكك منهم
واختم تأشيرتك من حلمك لبلاد الفرح
واستاذن من يأس نخليه فاقد للطرح
وأطلق سهامك في المستحيل
سدد وصوب في يوم هتهدف
واوعى الإحباط عليك يميل
يجرح فيك أملك فهينزف
أحلام وطموح واماني كتير
وغريبه أن الأحلام بتسيل
فتسير على الأرض
تحضن في عيال بتبيع الورد
بيباتو في حضن رصيف بينبت برد
مع طلعة كل نهار
بيعاندو في يأس الأمر الواقع
اركع!! مش راكع
أنا نفسي أكون دكتور
وهعالج كل فقير ببلاش
أنا حلمي ألاقي علاج لطاعون
كلبش في أصحابي
مفيش كام واحد فيهم عاش
أنا نفسي تكون القشايه
حبال موصوله في حلم متين
لكل الناس الفاقدين
لطموحهم في طريق مهجور
وعقولهم عواميد النور
بتنور ليهم ولناس تانيين
الحلم لو كان مستحيل
فكان مستحيل يوم نحلمه
بس انت لازم تكون جدير
ومستحيل يصعب علي ربك يحققه
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
