خاص بمسابقة مهرجان همسة
الشاعرة حنان ابراهيم حافظ
البلد : مصر
التصنيف : عامية
01206029781
” قال لى كلمة ”
************
بعد مُرّ الذكريات
صحَّى فيّا كْتير حاجات
صحَّى نبض فْ قلب مات
صحَّى أحلام البنات
قال لى كلمة
من زمان ما سْمِعتهاش
قلبى راح ويّاه ما جاش
قال لى نور عينى وْ حبيبتى
شمسى غابت لمّا غِبْتِ
الجمال والرقَّة إنتِ
يا وطن قلبى و مدينتى
*
قال لى كلمة
فجّرت شلّال مشاعر
قال لى حوِّلتينى شاعر
فيكِ حاتغزِّل يا روحى
واوهبك شعرى وِ بوحى
كنت حالف يوم رجوعك
أحمى عينك من دموعِك
وازرع الأفراح فِ قلبك
نفسى اعيش العمر جنبِك
*
قال لى كلمة
حسِّسِتنى بالأمان
عوَّضِت ظُلم الزمان
هزّ أوتار الكمان
قلت عِيدها وْ قول كمان
قال عيونك دول مرايتى
قال رموشك دول شطوطى
لو تغيبى تكون نهايتى
لو بِعدتِ يبقى موتى
قال لى مش طمعان فِ حبك
يكفِى قلبى إنُّه حَبِّك
لو نصيبى يْكون سُكاتِك
لو حاكون هامش حياتك
إوعى عنِّك تبعدينى
دا انتِ وطنى وانتِ دينى
*
قال لى كلمة
كُلّها عِشق وغرام
طعمها غير الكلام
” قال بحبِّك “
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
