سيموا الشمكار : ولد الدرب
أنا ولد الدرب و شمكار و ما عندي حساب معا حد …هههههه
واش فيها و غلا تشمكرت و كميت و شربت الأفيون و تحششت , هي كاع أش فيها , كلشي تعرفوني بالحشايشي بولد الدرب و بسيمو
ههههه,أنا سيمو ,قريت حتى عيت و لما شديت البكالوريا , كونت زوين كاع بنات الحومه تحماقوا علي , إييهه ولد الدرب الظريف اللي داخل سوق راسوا , اللي تمشي جنب الحيط ,وا زمان هذاك كان و مازال باقي في الذاكرة
ههههه
عاداكوا تحسبوا راسكم , أنني ما قاريش و ما فاهمش و ما واعيش,أنا سيمو,,,,,,,,,,,سيموا ,أنا ولد الدرب , ونكملكم قصتي يا سداتي,
خليناها فين ,,,,,,,,,,,,أه تفكرت ,أنا ولد الدرب لما شديت البكالوريا , بإمتياز دخلت لافاك, و كلي طموح , خا عائلتي من عائلة الفقيرة و ما حالتهومش , إلا أنني كنات كلي طموح و كلي أمال
تسجلت يا سيادي في شعبة الإنجليزيه , و عطيتها امل و بالفرحة كنت تناكل كنانشي بالحفاظه .
داز العام الأول و التاني و الثالت و الرابع و شديت الإيجازة بإمتياز . أومي فرحت و فرح با و كاع الجيران , حتى حبيبتي , حتى هي فرحات , جات الأمال قدام عيني , الوظيفة و الخدمه و الفلوس و تعويض على كل سنوات الحرمان , و سنوات القرايه و مولين الدار و تضحياتهم
أه يا سيادي ,أش نعاود و لا نعاود , و بلاتي يا سيادي نكمي شي جوان , من بعد نعاودلكم اش طرا
سيادي خلوني نعدل الجمجمه و نرتاح لعلني نسى همومي و هموم الناس لي كبحالي
لما تحشش وسالا , جا سيموا تعاود لي جرالوا:
وادابا ,أنا وليت بخير,,,,,,
و يضحك
هههههه انا بيخير , أنا ولد الدرب الحشايشي الفقير , الي قرا و كمل قرايتوا و ما عندوا زهر,,,,,,,,,,,,قالوا لينا يا سيادي هاتوظفوا و نعطيوكم الدار,,,,,,,,,,فرحت وطرت من الفرحة………..
و قولوا لي يا سيادي :
واش طرا,أش طرااااااااااااااااا
سنيت عام و عامين و ربعسنين و خمسنين وانا تنساين الوظيف وشي وظيف ما طرا
تبدلات حالي يا سيادي , ما بقيت نفطر و لا ندوق الطعام و لا نعرف ذوقوا..دازت سنين و انا تنعاني حتى لو بغيت نشري ابسط الأشياء ما عنديش خصني نطلب الوليد و الوليد عندي معكس و ماعندوش,,,,,,,,,
قولولي يا سيادي ,واش راجل بلحيتوا و بشلاغموا,يطلب اباه خمسة دراهم باش يشري كاروا ,و هو ما عندوشلشي.
الوظيق .شي وظيف ماكاين,,,,و كلشي بالوسيطه
اش ندير ,واش ندب حناكي و لا نموت و لا انتاحر,أنا مليت ,,,,,,,,,,,,قالوا نمشيوا نعتاصموا
مشينا يا سيادي لرباط نعتصموا على البرلمان لعلهم يلقوا لينا شي حل ,احنا حاملين شهادات و معطلين
راه عيب و عار يا سيادي على ناس ولاد الدرب مثقفين و قارين و كالعسل يموتوا بين الركاني و يدفنوا بالحياة و يشيبوا بلا وقت من الغذايذ و من قلة نا تسطيت ,هبلت,و ماعرفت ما ندير قلت الشيد الدرب لي كبحالي متجمعين تناقشوا همومنا , و عرضوا علي بجوان و من بعدها بشي حوايج خرايين ووليت شمكار
ههههههههه
ماشي أجي وولي شمكار يا سيادي ,,,,باش تولي شمكار ,خصها هي و ما لونها ,إيه يا سيادي
هههههههههههه
خصك تكون قاري وواعي مثقف و مسالي ,لا وظيف و لا يحزنون , تكون دوزتي العجب من التكرفيص و من المعانات و من التجوليق في الشوارع ,
سيادي يا سيادي
التشمكير ليه قوانين و ليه عادات و ليه حقوق,واش عرفتوني,أنا سيموا ولد الدرب الشمكار االظريف الجونتي اللي ما تيأذي حتى واحد , لكن يا سيادي عمري ضاع ,مستقبلي ضاع,وباش نسى انا قبلت نولي شمكار يا سيادي
سيموا الشيمكار : ولد الدرب
باناصا الأسطورة .
أنا ولد الدرب و شمكار و ما عندي حساب معا حد …هههههه
واش فيها و غلا تشمكرت و كميت و شربت الأفيون و تحششت , هي كاع أش فيها , كلشي تعرفوني بالحشايشي بولد الدرب و بسيمو
ههههه,أنا سيمو ,قريت حتى عيت و لما شديت البكالوريا , كونت زوين كاع بنات الحومه تحماقوا علي , إييهه ولد الدرب الظريف اللي داخل سوق راسوا , اللي تمشي جنب الحيط ,وا زمان هذاك كان و مازال باقي في الذاكرة
ههههه
عاداكوا تحسبوا راسكم , أنني ما قاريش و ما فاهمش و ما واعيش,أنا سيمو,,,,,,,,,,,سيموا ,أنا ولد الدرب , ونكملكم قصتي يا سداتي,
خليناها فين ,,,,,,,,,,,,أه تفكرت ,أنا ولد الدرب لما شديت البكالوريا , بإمتياز دخلت لافاك, و كلي طموح , خا عائلتي من عائلة الفقيرة و ما حالتهومش , إلا أنني كنات كلي طموح و كلي أمال
تسجلت يا سيادي في شعبة الإنجليزيه , و عطيتها امل و بالفرحة كنت تناكل كنانشي بالحفاظه .
داز العام الأول و التاني و الثالت و الرابع و شديت الإيجازة بإمتياز . أومي فرحت و فرح با و كاع الجيران , حتى حبيبتي , حتى هي فرحات , جات الأمال قدام عيني , الوظيفة و الخدمه و الفلوس و تعويض على كل سنوات الحرمان , و سنوات القرايه و مولين الدار و تضحياتهم
أه يا سيادي ,أش نعاود و لا نعاود , و بلاتي يا سيادي نكمي شي جوان , من بعد نعاودلكم اش طرا
سيادي خلوني نعدل الجمجمه و نرتاح لعلني نسى همومي و هموم الناس لي كبحالي
لما تحشش وسالا , جا سيموا تعاود لي جرالوا:
وادابا ,أنا وليت بخير,,,,,,
و يضحك
هههههه انا بيخير , أنا ولد الدرب الحشايشي الفقير , الي قرا و كمل قرايتوا و ما عندوا زهر,,,,,,,,,,,,قالوا لينا يا سيادي هاتوظفوا و نعطيوكم الدار,,,,,,,,,,فرحت وطرت من الفرحة………..
و قولوا لي يا سيادي :
واش طرا,أش طرااااااااااااااااا
سنيت عام و عامين و ربعسنين و خمسنين وانا تنساين الوظيف وشي وظيف ما طرا
تبدلات حالي يا سيادي , ما بقيت نفطر و لا ندوق الطعام و لا نعرف ذوقوا..دازت سنين و انا تنعاني حتى لو بغيت نشري ابسط الأشياء ما عنديش خصني نطلب الوليد و الوليد عندي معكس و ماعندوش,,,,,,,,,
قولولي يا سيادي ,واش راجل بلحيتوا و بشلاغموا,يطلب اباه خمسة دراهم باش يشري كاروا ,و هو ما عندوشلشي.
الوظيق .شي وظيف ماكاين,,,,و كلشي بالوسيطه
اش ندير ,واش ندب حناكي و لا نموت و لا انتاحر,أنا مليت ,,,,,,,,,,,,قالوا نمشيوا نعتاصموا
مشينا يا سيادي لرباط نعتصموا على البرلمان لعلهم يلقوا لينا شي حل ,احنا حاملين شهادات و معطلين
راه عيب و عار يا سيادي على ناس ولاد الدرب مثقفين و قارين و كالعسل يموتوا بين الركاني و يدفنوا بالحياة و يشيبوا بلا وقت من الغذايذ و من قلة نا تسطيت ,هبلت,و ماعرفت ما ندير قلت الشيد الدرب لي كبحالي متجمعين تناقشوا همومنا , و عرضوا علي بجوان و من بعدها بشي حوايج خرايين ووليت شمكار
ههههههههه
ماشي أجي وولي شمكار يا سيادي ,,,,باش تولي شمكار ,خصها هي و ما لونها ,إيه يا سيادي
هههههههههههه
خصك تكون قاري وواعي مثقف و مسالي ,لا وظيف و لا يحزنون , تكون دوزتي العجب من التكرفيص و من المعانات و من التجوليق في الشوارع ,
سيادي يا سيادي
التشمكير ليه قوانين و ليه عادات و ليه حقوق,واش عرفتوني,أنا سيموا ولد الدرب الشمكار االظريف الجونتي اللي ما تيأذي حتى واحد , لكن يا سيادي عمري ضاع ,مستقبلي ضاع,وباش نسى انا قبلت نولي شمكار يا سيادي
سيموا الشيمكار : ولد الدرب
باناصا الأسطورة .
