ط
مسابقة الشعر العامى

قصيدة(خلص الكلام) مسابقة الشعر العامى بقلم / صابر فرج ياسين

الأسم / صابر فرج ياسين
مسابقة الشعر العامي
واتساب / 01117311278
الفيس بوك / الشاعر صابر فرج ياسين
قصيدة بعنوان / خِلص الكلام
خِلص الكلام
خِلص الحَكى.. خِلص الكلام
ماعدش فاضل غير آلام
أيام تفوت وسنين أوام
عايش حياتي بلا اهتمام
والاحترام للقلب لسه
عاوزينله أسبوع م الكلام
أصل الحكاية اما ابتدت
خلصت وراح منها الغرام
وغرامي كان نسمة هوا
يعشقها قلبي ع الدوام
وكتير أنا عايش بغني
يمكن يعود ليا الهيام
وهيام ده اسم لحب عمري
وعمري راح وياريته دام
دامت حاجات والحاجة مُرّة
ومَرة راح أسأل سؤال
بكام تساوي يا طُهر قلبي
يمكن ألاقي تمن الغرام
وغرام دي كانت بنت حلوة
دابت كما السكر أوام
غطت عيوني بكحل أسود
والسود عيونها كانت مرام
ومرامي يعني قصدي هو
وهو يعني من غير كلام
وحمامي نوّح فوق بروجي
وبروجي راح منها الحمام
تقدر تقولي إزاي هيرجع
إزاي بقا نِقدر ننام
النوم يداعب عين حبيبي
وحبيبي سهرّني ونام
أصل الحكاية ماتنتهيش
والحكي فيها مش كلام
احساس بيخرج غصب عني
والغصب ما يروي الغرام
إزاي أقول خلص الحكي
إزاي أقول خلص الكلام
أنا لسة بنطق إسمها
وتسهر عيوني .. لم تنام
وتسهر عيوني .. لم تنام
خلص الحكي .. خلص الكلام ……..
*

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى