الإسم :- محمد محمد عبد الفضيل
إسم الشهرة :- محمد عبد الفضيل
الصفحة
التليفون المحمول :- ٠١٢٢٥٧٤١٧٦٥
البلد :- جمهورية مصر العربية
مسابقة الشعر :- شعر عامية
إسم القصيدة :-
أنا قبل ما عقلي يجن
_____________
أنا قبل ما عقلي يجن .. هحن
وأحاول إني أعود
وامسك شرايين المخ بفخ
واجود كده بالموجود
وهكلم سيدنا الجن .. يبطل رن
ويسيبني في حالي لتوه وأجن
انا وسط الخلق وأكون مفقود
يا نموسة عقلي يا منبع زن
وزنك بقي طن
واكلة في الطقة ميتين كتكوت
كده هس سكوت
زمن النتاش كده والبكاش
ماريونيت بقماش
كده عبوا الكاش . وفصوص الماس
وإدوا الغلبان كده ييجي ميتين شلوط
روح سنتر شوط
وإتسلي بسيرة الناس
من هذا . وماذا . وهم . وهن
ثقافات . تفاهات
بارتي في بارات .مطرب وعاهات
ولا عزف سليم ولا نوت
وفي عرض النت
شايف كام بت
وواد مالهموش أساس
عمال بيلت بشورطه الكت
وسواس . خناس راح يخرب بيت الناس
هيصة ومشاع
من شيخ مزعوم
حرم في هدوم . حلل في متاع
وفي طبق اليوم
واكل م النسوة إتنين وتلات ورباع
تغضب وتذوم تبقي المذموم
وتصنف تافه م الهلافيت
فأسكت يا عبيط بطل تخبيط
عديها ومشي اليوم
لا هي كانت عافية ولا بنبابيت
ولا رزق هييجي بنوم
قوم صلي وصوم
عمر في البيت
ترزق بالكوم
ربك في الخير هو المقصود
ربك بالخير هو اللي يجود
