خاص بالمسابقه
خالد محمد عبدالمعطى
واتس 01117765666
مصر
فئة شعر عامى..
..
نهاركم سعيد
ماتستغربوش
انا مين و ليه جاى فى الساعه ديه..
..
محسوبكم اكيد
ابقى الشيف شيطان
رفيقكم من زمان
و انهارده جايب علشانكم هديه..
..
صبحت ايامى عيد
و خلاص الصعب هان..
من غير شغل الفلاسفه
جايب علشانكوا وصفه
بيتزا الكره الأرضية..
..
افتحوا اوراقكوا يالا
و اكتبوا المقادير بسرعه
ده الطبخ عندى غيه..
..
اول خطوه اختياركوا
يكون لارض جاركوا
و هى دى الصنيه..
..
تكون مليانه خير
و ماليها خط سير
و شرق اوسطيه..
..
اكتب يا سيدى عندك..
..
مطلوب طحين غلابه
مزروع فى ارض غابه
ناسها زى الوحوش…
..
و حليب كامل الدسم
من دم شعب اتقسم
على ايد العم بوش..
..
و عصير من دم ناس
الفقر عليه داس
و علم فى الوشوش..
..
و حته تكون كبيره
علشان ديه الخميره
من ناس مش فاهمه دينها
و زارعه الشر بينها
و واخده م الدين رتوش..
..
و عشان الشكل يعجب
و الطعم يكون حكايه
زود بهارات شويه
و الجهل ما تنسهوش..
..
اما الطريقه سهله
خطواتها مش قضيه..
..
و مادام مقاديرنا جاهله
نتيجتنا ميه منيه..
..
اخلط طحين عضامهم
لكن واحده واحده
بطريقه فلسطينيه..
..
قلب ع االنار شويه
و ضيف ع الخلطه ميه
و شعلل القضيه..
..
و اما الخليط يلين
و شكله يكون لمع..
..
خلى صدام حسين
يضيف حبة طمع
بطريقه هستريه..
..
و حط بهارات لبنانى
على فلفل ايرانى..
..
على حبة ملح سورى
و قول يا لمونه دورى
و سيبهم ع النار شويه..
..
لكن عينك عليهم
صاحى و متابعهم..
..
هتلاقى واحده واحده
تيجى ثورات ربيعهم..
و الفضل هيبقى ليهم
مش بس الفضل ليه..
..
و لو تلقى الطبخه كاشه
ابدع و اديها رشه
حقوق م الانسانيه..
..
و اما الخليط يلين
افرد العجين
بطريقه امريكيه..
..
هتلاقى العزم مات
قسمها مثلثات
اضلاعها متساويه..
..
ميكونش فيها كبير
و السر يروح فى بير
و الخيبه مداريه..
..
دخلها النار دقيقه
علشان تاكلها نيه..
..
و ده احسن طريقه
لبتزا الكره الارضيه..
..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
