مين اللي عطاكم أمر
تقسموا الجسد نصين
ومين اللي فينا قال
احمد مش اخو لحسين
ومين اللي آم الناس
علي الخيبة والعكرة
وانا سليل النسب
سجدوا الملايكة لابوي
واللي اصابة الكبر
من يومها صابه اللعن
نزل قسمنا أتنين
وطلعوا علينا كتير
واشتغلوا نصابة
شغلانة تملا العين
وخطوطها متعابة
*
دور يا خوي في الشام
يطلع جدودك مين
من حد أرض الحجاز
ما تلف شوية يمين
(وجارك العزيز لو مت
يطلع يشيل في الطين
واختك معاها عيال
دا الاكل مش لاقين)
**
ماهو الأسد لو مات ؟
مين اللي يسود الغابة
حتى القناع لو شبك ؟
يبقى نهيقهم عادة
آدم ابونا الطين
رب العباد كرمه
أمر الملاك والجن
خروا لشانه عبادة
إبليس ابي واستكبر
صبح عدانا زيادة
*
قابيل اللي قتل اخوه
بنسمي ولادنا عليه
وهابيل اللي مات مخدوع
سمينا عبيطنا يابيه
واللي فرقنا في يوم
كان قصده مننا ايه ؟
يا عنتر زمانك رد
عملوا العرب فيك إيه؟
لساتكم فيكم جهل
واتغر بينا ليه ؟
*
(لأجل كراسي الزعامة
قسموا صفوفنا ألوان
زرعوا فينا الحماسة
وخلوا قلوبنا صوان)
*
طلع بلال وأذن
أم الرسول الخلق
ذاع السلام في الكون
الكل ساوى بعض
اسمع يا سيدي القول
آدم ابونا يا خلق
من طينة متشكل
احنا بنطفة ضهر
وجسومنا تتغسل
إزاي تكون انت
عالي وعلي متأصل
ليه الغرور خلاك
يا خويا تتنصل
اقرا تاريخك زين
فاكر نجاشي الحبشة
فروا الصحابة عليه
يا بيعة تحت الشجرة
يوسف رموه في البير
والفكرة كانت اخوه
إبراهيم قادوله نار
بالحيلة فيها رموه
وموسي كليم الله
التيه ضلوا خانوه
**
مهما تقولوا كلام
كلامنا فيه حسرة
زي الطريق مرصوف
بنمشي فيه عتره
ان كان عاجبكوا القول
بلاش نسوق عوجة
*
ماهو الحجارة كتير
زرعها فينا الجهل
ولا أيد اتمدت يوم
وخلت كلامنا سهل
اذكر كلام الله
واتدبره على مهل
هتلاقي جبل الوجايع
في دروبه صاير سهل
——-
جلال ممدوح همام
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
