البلد/جمهورية مصر العربية.
المجال المشارك به: قصيده بالعاميه المصريه.
اسم القصيده:اجمل حكايات
………….
انا بكتب عنه كثير حكايات
بسمعله ليلاتي بيشكيلي بعد المسافات
قلبه بيندهلي ويترجي تجمعنا ليالي
تقربنا نرسم احلامنا وننظرها علي رغم وجود
بعض اختلافات بين الواقع وبين الخيالات
انا جوا في قلبي شيلاله في حاجات وحاجات
وبحس بحاله رومانسيه وابدا اعبر زي الروايات
عن كل مشاعري بصوت شعري
كنت بنظمه لحظه بلحظه في رص الكلمات
البيت الاول له قافيه والعشق ياناس جابلي الكافيه
والتاني ملوش غير في العافيه غاوي الصدمات
عدلت النص ورتبته ومشاعره هناك كانت دافيه
ضامم في ديواني بيحضني وتمر ساعات
ولقتني عبرت جميع ابيات كل القارات
ملقتش كلام بيعبر غير العاميه
وكأنك ماشي علي الميه بتقلب تايه في القنوات
انا شاده رحالي علي عيونك وبحنيه
وبعيد ترتيب كل الثورات
انا سايقه التُقل علي جنابك
رغم اني بطبعي مُضحيه
وضعيفه في قربك وحنانك
وساعات بيبان اني قويه
ضلعك بيمدني بالقوه ضد الصدمات
انا كنت ساعات بطلع للسما من لمسه ايد
وبعد نجوم كات جوه عينيك واسرد حكايات
ومفيش اوقات بتعيد اوقات
فابعيش علي سيرتك ومواقفك
انا كنت المقصودة بالاشارات
وكتبت بروحي رغم بعادك اجمل حكايات
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
