الاسم: على بدوي على
الشهرة: علي بدوي
الدولة: جمهورية مصر العربية
مسابقة الشعر العامي
قصيدة ( أزيِك )
أزيك
الخير ف البعد
ملمحتهوش عينى
ولا أدرك الحكمة عقلى
مكنتش أتمنى في يوم تقابلينى
ما دمتى فى يوم هتفارقى
ومحتار هل حزنى دا طبيعي
ولا بيبالغ في الوجع قلبي
فراقك وجع فيه بسكر
مع الوقت ألمهُ بيكتر
تعرفي سنى بقى اكبر
لكنى واقف مكان ماسيبتنى
مفيش شئ أتغير
وعمري ما كنت مُخير
ابعد عن طريق
في نهايته ليكى يودينى
صار لغيابك سنين
ولسه باقيلِك حنين
بيطاردنى ف الاغانى
ف كل عزف ناي
ف كل عده م الثواني
ف كل صبح جاي
ف صوت الست إذا غنت
ف ضي القمره إذا حنت
ف الاشواق إذا اتئنت
ف بتسهرنى ويا خيالك
الليل بطوله
كلامى دا بقوله
بغض النظر لتوابع
لسه فراق واجع
لسه انا بتابع
اخبارك وخطا سيرك
غيبتى وسيبتى
فراغ ميملهوش غيرك
يمكن يوصلك كلام انى بعيش
لكن فراقك واضح تأثيره
من يومها والشارع حزين
من يومها والشاعر خاينه تقديره
قال عنك تجربة
وهيتعافه منها بالوقت
الشاعر بقى دلوقت
يتيم غيبتك
للدرجاتى نادرة طباعك وتركيبتك
ف بالتالي إن جيتى على بالى
ماهلعنش الصدف والبدايات
لو الزمن غير
كان هيبقى فيه اختلافات
كان زمانهُ طفلك يشبهلى
نسبه في الشهادة متغير
كان زمانِك حد من اهلى
تشوفى العيب الكبير فيا بمراية الحُب صُغير
مرتبى الشهري يروح لإيدكى
بدل حيرتة بين الكافيهات
تخلق غيرتى عليكى
شوية خناقات
اشيلك حضن كبير
وقت رجوعى للبيت
اعترف لك أنى حبيت طريقة اكلك
تحضر على خدك ابتسامتك
تزيدك وسامه على وسامتك
تلومينى لإنى خففت وخدت لسعة هوا
لولا الظروف وقتها
كان زمانا دلوقت سوا
والوضع بقى غير
على كل حال إزيك
ولعلو البعد خير
هنا تمثيل التعافي
هنا أزيَك ؟
= انا تمام
هنا حزن كافي
يعيش لسنين قدام
ورغم انقطاع أمل جيّك
بَوصي كل حمام غيّك
يقولك للمرة الأخيرة
أزيِك
رقم الهاتف والواتس اب 01025693875
لينك الفيس بوك
https://www.facebook.com/profile.php?id=100011520241213&mibextid=ZbWKwL
