قصيدة : أصبحنا أغراب . مسابقة الشعر العامي بقلم / إيمان السيد برعي

الإسم إيمان السيد علي برعي
الشهرة إيمان السيد برعي
فئة المشاركة :شعر العامية
بلد المشاركة :جمهورية مصر العربي

https://www.facebook.com/EmanElsayedBorahy?mibextid=ZbWKwL
[email protected]

أصبحنا أغراب
بعد اما عرضتها للعالم
وأعلنت وجودها خلاص فيا
صبحت بهدوء ليه مش ليا
صبحت ملكه
رجعت حباه
قبلت من تاني تكون وياه
رجعت للذل وللمعاناه
كانت كفراشة تندي حياة
وفراشتي الحلوة تحب النور
وتظل تلف عليه وتدور
والنور كالنار يحرق فيها
واهو بردو بيعجب معاليها
وتقول نورها مسيره يحن
هينور يوم وميحرقهاش
النور كان قاسي ميسمعهاش
وبيجي تملي كأنه مجاش
وبيقتل فيها بكل هدوء
وبتفضل بردو رافضة تفوق
وتفتح عينها على خداعه
معرفش ازاي
خلاها تحب ف أوجاعه
معرفش ازاي خلي الملكة
تتنازل عن العرش بتاعها
وبدل ما تكون هي الملكة
تتحول خادمة ف جناحها
تطاطي وترضي تعيش الذل
قلبها عيبه يفكر في الكل
وبينسي يفكر يوم فيها
كان قلبها يراضيه بحياته
و عمره ما فكر يراضيها
بتقرب من قلب بايعها
تسيب القلب اللي شاريها
لكن عارف
قد ما مكسور من أفعالها
قد ما مجروح قلبي عليها
لا بأيدي أقولها تستنى
لا عارف اكمل غير بيها
بهجر بنات الكون عمدت
اتجاهل ١٠٠ ألف بحبك
يادوب تسألني عامل أيه
بيدوب قلبي ف غناويها
لكن
بدعيلها حقيقي من قلبي
بأشعر بالذنب على وجعها
والذنب لقلبهامش ذنبي
بتمنى اني أطلع مش فاهم
ويكون فعلا حد كويس
هيعرف يوم يبقى أمانها
ويجيب الأفراح علشانها
برغم الكسرة اللي فقلبي
هفرح لو شوفتها ماايديه
الفرحة بتضوي ف نور عينها
هطمن يومها على حياتها
هسامح جرحي الجاي منها
بس عشانها
#EmanElsayedBorahy