ط
مسابقة الشعر العامى

قصيدة : أصل الحكاية .مسابقة الشعر العامى بقلم / منار أيمن محمد عبد الوهاب

الاسم : ميار أيمن محمد عبد الوهاب
الدولة : مصر
اسم الشهرة : ميار أيمن
فون : 01123541353
واتس اب : 01123541353
لينك صفحة الفيس : https://www.facebook.com/mayar.aiman
تصنيف : شعر عامي
بعنوان : أصل الحكاية

في الحياة حبة مشاعر
ذكريات فرْح و دموع
في الحياة سكك كتيرة..
بنمشي فيها..ملهاش رجوع
…………………..
فيه ناس احزانها توجعها..
و من احلامها تمنعها
و ناس عارفة طريقها لفين ..
مفيش ولا شئ يرجَّعها
……………….
و ناس متطمنة بناسها
و ناس معدومة احساسها
و ناس راضية و بتسلم
و ناس الطمع ده اساسها
………………..
و ناس تتشاف ما تتعاشر
و ناس عشرتها بالدنيا
و ناس بتجيب من الآخر
و ناس لابسين وشوش تانية
……………
صحيح امورنا بتحير
و يوم عن يوم بنتغير
و نتعافر و نتسابق
مع ان العمر ده قصير
…………….
و نرجع تاني و نقولها
الدنيا ياما فيها و فيها
هتعيشها بعرضها و طولها
بس اوعي روحك تطفيها
…………………
اصل الحكاية و شوفناها
دي معادلة سهلة فهمناها
يا تعيش بحلم يجمِّلها
يا الخوف يموِّت معناها

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى