ط
مسابقة الشعر العامى

قصيدة : أمي .مسابقة الشعر العامى بقلم / حسن حمدى البيومية

حسن حمدى البيوميه

الاسم حسن حمدي البيوميه
الدوله مصر
موبايل وواتس 01000016215
الفئه الشعريه / عاميه
عنوان القصيده / أمي

وحشتيني ياما
________
وحشتيني ياما..ياطب المواجع
وياكل عمرى اللى رايح ماراجع
يا أول قصيدة ف بلادى البعيدة
واخر حكاية لكل اللى سامع
واحشنى حنانك وغية حمامك
ولسه مأثر ف قلبى عَلامِك
وسطحك وفرنك وريحة خببزك
ومنديل ملون تملى ف ايدك
واحشنى طحينك وقمح ف غيطانك
بيفرح ف وقت اللقا لو يشوفك
وزير مِندّى وفرشة حصيرك
وجبنك ومشّك مشلتت فطيرك
وليلك مسبح وفرشك ف مطرح
ومن كتر حمْدك يا أمي بيضحك
ونخلك بيطرح يغرقنا خير
وصوتك بيشكر ويحمد لربك
يقوله ياربي ده خيرك كتير
واحشني صبايا ف حضنك يا أمي
ونومتي ف حجرك لحد الصباح
ونظرة عيونك وهمسة حنانك
تداوي يا أمي جميع الجراح
وتحكي الحكاية وانام ف البدايه
واقرب واضمك واحضن جبينك
ياريت كان بإيدى ياست الحبايب
أجيب من حياتي وازود سنينك
واسمع لصوتك واقلد صلاتك
حياتي ف رضاكى وموتي ف مماتك
وبعدك يا أمي مفيش لمّه تاني
وتاهت حروفي وكل المعاني
وكل اللى باقى شوية مشاعر
وببكى يا أمى ف بُعدك واعافر
واحس بإديكي بتمسح دموعى
ويفضل حنيني بشوقه لدعاكي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى