الشاعر المصري علاء أبوذكري
خاص بمسابقة مهرجان همسه الدولي
——-
الاسم : علاء محمد أبوذكري
جمهورية مصر العربية
الجيزة-
ت: 0106672040
أنا المصري
=============
مانش عَالِم بدُور ف الكون
مانش عاشق فقد عقلة
وصار مجنون
مانش موسى ولا فرعون
مانش إبليس ولا حتى
شعاع من نور
مانش عَراف
ولا لابس حجاب مسحور
أنا بسمة أمل عاشقة
لنور الفجر
أنا إحساس
تموتني ليالي الهجر
أنا دمعة تسيل ع الخد
وتسامح
بتتنسم نسيم بكرة
وتعشق ضحكة أمبارح
——-
تغيب الشمس وتعدي
تدور الأرض ما تهدي
وأنا موجود
أنا العنقود
بتدلى ملاييني
ومهما بعدت عن أرضي
هترجع تاني وتجيني
تلاقيني كما الجلمود
بنغمة عود
على شطي
أروح نايم ومتغطي
وان طار الغطى مني
تملًي سعيد
ومستني هلال العيد
بضحكاية
وبرضة عشايا كحكايه
وصبري هو زوادي
أنا الماضي
أنا الأتي
أنا عايش لأولادي
وعاشق لمًة العيلة
بحب الاهل والجيرة
وداري دمعتي بأفراح
وبعشق م الاسامي
سماح
بسمي عشتي قصري
عرفتوني ؟؟؟
أنا الإنســـــــــــــان
أنا المصري
========================
علاء محمد أبوذكري
