قصيدة : أنا النيل . مسابقة الشعر العامي بقلم / لقمان محمد حسين أبوالعنين

الاسم: لقمان محمد حسين أبوالعنين
اسم الشهرة: لقمان حسين
الدولة: مصر (مقيم بالسعودية)
رقم الهاتف والواتساب: 00966583344014
الصفحة على الفيس بوك: لقمان محمد حسين
اللينك:https://www.facebook.com/loqmanm.loqman
المجال المشارك به: قصيدة بالعامية المصرية
اسم العمل: أنا النيل
————————-

أنا التِبْر اللي سايل
بين شطًين.
أنا الفاس اللي شاقِق
صخرُه اتنين.
أنا القلب اللي عاشق
رغم البين.
أنا الشمس اللي باقية
في عزّ الليل.

أنا اللي جايلِك
بشوق وبلهفة.
لا يمنعني سدّ
ولا خوف ولا رجفة.
أنا اللي حافظ
معاكي السكة.
وأنا اللي رايح
ويّاكي لبُكره.

أنا النيل اللي عاشق
ترابك وأرضك.
أنا النيل اللي حاضن
طولك وعرضك.
أنا النيل اللي راسم
عالخدّ قمرك
سماري شمسِك
وشجري ضِلِّك.

أنا اللي باعتـ ني
المولَّى ليكي.
أسقي غيطانك
بكفِّي ارويكي.
حافظني اسمك
يا رب احْميكي.
لا فـ يوم هاسيبك
ولا انتي تسيبي.