قصيدة : أنا شخص حقيقي .مسابقة الشعر العامى .بقلم / هاني عيسى عبد النور

هاني عيسي عبد النور
اسم الشهره. هاني عيسي
تليفون 01276128938
البلد. جمهورية مصر العربية
https://www.facebook.com/hany.essa.1671
انا شخص حقيقى
انا معرفهوش
مقسوم الروح..
الاول بيحب الدنيا
والتانى فى صوره طفل كئيب
وبيلعب مع نفسه مشاعر
بيحب ويكره فى ثوانى
وبيمسح من يومه الاوجاع
يتخيل نفسه قصاد الوهم
فيحس فى روحه بانه شجاع
وضعيف قدام صوره لماضى
ومشاعره قصاد حد بتتباع
كان حد بيشبه فيلم قديم
البطل اللى محدش خانه.
والصوره عشان ابيض وأسود
فمشفش مشاعره اما اتهانوا
كان.. كل الدنيا تفوت منه
والوجع اللى ماسبش مكانه
انا دائما بحلم انى عجوز..
وبشوف كام متر من الدنيا
وبدون انوار
وانا سكن بيت وبدون أدوار
وبشوف أمى
احيانا تشبه ضحكتنا
وبشوف العمر بيسبقنى
على باب بيتنا
وبشوف اخواتى ولعبتنا
وبشوف ايامى بدون الوان
وبشوف فى الصور كتير منى
والروح بتحاول توصلى
وبدون عنوان
انا شايف ابويا وكل اللى فاتونى
لوحدى
على صوت انغام
لسه ناوى ع الرحيل
انا شايف اخر شعر كتبته
وبعد العمر اللى حسبته
وبصدق ان العمر طويل
وبشوف الفرح اللى سرقته
من جرح الليل
حواليا صحاب ..احباب
اغراب
الموت اسباب
ولكنه بديل
عن سهر الوحده اللى تعود
ع طعم الخوف
انا لسه بحبك والله
الصوره اللى فى قلب الفنجان
وخطوط العمر اللى كفك
والضحكه اللى بتملى شفايفك
ولكنى بشوف
العمر عجوز