طارق العجمي:
12 فبراير، 2023 الساعة 3:44 ص
أول أمل – شعر عامية
بقلم / طارق العجمي
مصر – محافظة الشرقية
01000268623 واتس واتصال
01501809070 واتس احتياطي https://www.facebook.com/shaerarab?mibextid=ZbWKwL
………………
قلبي ملاه الطمع
وسرحت كالعادة
ومشيت ورا كدبتك
وفرحت بزيادة
ونسيت بإنك صنم
للأسوة ولّْادة
فقلعت توب العشم
من تحت سَتْر الليل
ورسمت طير أبابيل
تِقْصِفْ سماكي بطوب
مانا قلبي مش معيوب
ولا كان لساني عويل
ده انا كنت ليكي سبيل
اسقيكي من فرحتي
واتنمى لو تضحكي
واسمع لـ فجري ادان
وارسم قمر كسلان
على جفنك المهموم
فيحن ليكي النوم
قبل العيون ما تبان
ويغطي رمشك ندى
وقت النهار مابتدى
على خِلوة العرسان
تبقي انتي أول أمل
بيصد بأس الزمن
لجل القلوب ترتاح
تبقي انتي احلى براح
وامشي في سِرك مَدد
تبقي انتي أم الوَلَدْ
وبداية المشوار
تبقي انتي روح الدار
وتكوني لينا النيل
واطْرُدْ طيور ابابيل
من قلبك المسدود
وارسم شبابي الجَيّْ
على ظهرك المفرود
والمح ف عينك ضي
يشعل عيوني السود.
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
