شعر عامى
اى حب…
ال حابب فيكى شكلك
وال حابب فيكى جسمك
وال حابب فيكى لونك
وانتى كان الله فى عونك
هما ابهرهم جنونك
والشقاوة ال فى عيونك
حد حابب فيكى طيبك
لا مفيش
حد حابب فيكى قلبك
لامفيش
حد حب الحب فيكى
متلاقيش
حب مظهر حب ظاهر
حب مبنى على المظاهر
حب مش ممكن يعيش
تعرفى
الحب مش كلمه فى قصيدة
الحب من اصل العقيدة
الحب يبقى اتنين سكنهم جوا بعض
الحب وعد
الحب روح تسكن فى روح
الحب بيبان من الدفا ومن الوفا
الحب كلمه اما بعد
بعد الجواز
لو مر ١٠٠مليون سنه واتنين عجاز
نفس المشاعر والصفا
نفس العواطف بامتياز
ضحكه على مر الزمن
والوقت مسروق منهم
شايفين صورهم فى الفرح
اتنين لذاذ
ابراهيم سعيد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
