الشاعر رضا ابو شنب
(انتم مين)
نفسي اعرف انتم مين
ياللي عاملين مؤمنين
هو ابوكم لما جابكوا
كان ينادي بأي دين
كان ينادي بنفس دينكم
ولا دين المسلمين
** *************،،
هو فيه في الدنيا دين
يتقتل فيه الجنين
تتحرق فيه الصوامع
تتقفل فيه الجوامع
يتقلب فيه الطحين
نفسي اعرف اي دين
*****. *****،،،،
ولا فيه في الدنيا دين
كل أهله غدارين
يحرقوا لينا المصانع
يقتلونا في الشوارع
يكدبوا ونقول امين
نفسي اعرف اي دين
****’***** *****
نفسي اعرف اي دين
اللي يقتل في النصاري
اللي يلعب بالحجارة
اللي ناوي على الخسارة
جابوا دينهم ده منين
ولا يبقى اي دين
****************. * *
قولوا ليا اسم دينكم
ولا مين كاتب كتابكم
انطقوا طب مين رسولكم
أو قولولي فين ضميركم
اللي ميت من سنين
نفسي اعرف اي دين
**، ************** **
انتم عايزين تعلنوها
اعلنوا عن دين جديد
دين هيرجع للحجارة
والقلوب زي الحديد
دين هيقتل اي جارة
لما يبقى اليوم سعيد
دين هيرجع للعطارة
والطبيب هيموت شهيد
دين هيبقى الكل عنده
تحت أمره من العبيد
أعلنوها وقولوا يالا
انتم مين
وان ابوكم لما جابكم
كان ينادي بأي دين
هو دينه نفس دينكم
ولا دين المسلمين
هو دينه نفس دينكم
ولا دين المسلمين
