قصيده انت عارف
بالعامية المصرية للشاعرة
فاتن الزغبي
انت عارف
انت عارف
عمري جنبك ما ابقي خايف
كنت حاسس بيك وشايف
كل احلامي ف هواك
اتسرسبت من بين ايديا
بس برضه فضلت واقف
انت عارف
طرت انا. لسابع سما
لمست بمشاعري النجوم
كنت ماسك يومها ايدي
كنت لمسك
كنت حسك
طفل دايب ف البراءة
سبت ايدي
فجاءة
بسقط
سقطة. سقطة
نقطة نقطة
طفل ساذج صدقك
صدق هواك
طار مع الاحلام معاك
بس يا خسارة
وقع
مكسورة روحه
كل نقطهة ف دمه
بتقولك كفايه
انت صح
الجروح مردومه ملح
فقت انا من وهمي
ايوه
انت صح
انت ايه
تمثال من الشمع الجميل
بيشف لونه
تخطف الانظار فتونه
اما انا
قلب عباده
بريء للشمس بيفتح عيونه
انت عارف
عمري جنبك يوم
ما حسيت الامان
ابعد
خلاص انساني
سبني لاحزاني
لاصعب احساس
احساس الوحده
وانا بعدك
وف وسط الناس
حبيته خلاص
انت عارف
انهرده جايه اعلنها
صراحه
انت بره
بره عمري بره قلبي
بره روحي
خدت منك. استراحه
وبصراحه
كنت جنبك ايوه
خايف
وانت عارف
