قصيدة من الشعر العامي
إختيار (الشهيد علي علي علي السيد)
====
انك تعيش في الدنيا منزوع الارادة إختيار
انك تعيش من بعد موتك رمز عالي إختيار
نفس القرار وف لحظة بيكون لاختيار
——————
جوا الحواري الدبلانين الشقيانين
معجون انا بتراب وطن
من بين نيران الجبس كانت صنعتي
كل العماير زرتها وبنيت حطانها وضلها
بس الأكادة عمري يوم م عرفتها ولا عيشتها
كبرت سنيني وشوقي لليوم اللي جاي
نفسي اسعدك ياَمًا واكونلك واد أمين
نفسي اعدل المايله وافك المظلومين
نده المنادي وقال تعالىَ وفًي دينك للوطن
أه يا وطن معجون بشوق حنيتك وبقسوتك
الحمد لله ع الوطن
ودوني سينا . بنت مصر وضلها
احضن ترابها واصون دروبها وعرضها
يا فندم انا راضي وقنوع
نفسي احضن الرملة اللي قادت يوم شموع
حكولي عنها كلام كتير
بس الأكادة الشوفه مش ذي الكلام
ورميت على الشهدا اللي فاتوا ميت سلام
ايوة يا فندم .تحت أمرك .حضرتك
خدني معاك
الصاعقة دي امنيتي وانا قدها
جربني بس وشوف سلاح وقوتي
—-
صفا وإنتباه ذي الاسد واقف جسور
شرفك سلاحك قدودك يوم العبور
اهلي ف رفح نفسك العروق
نفس الملامح شوفتها وعشقتها
اه ياوطن عايش بدمي.
طينك ملامحك حضن أمي
ملعون ابو الغدر اللي صابك ياوطن
——
الفجر بان
وعيون ولادك شاهدة على صوت الادان
الله أكبر للندا وقف الرجال.
حرس سلاح
حرس سلاح
الله أكبر ع العدا
وسلاحي جاهز للندا
أان الاوان
واليوم نتيجة ل متحان
حاجات كتير دارت ف بالي وقتها
فجر القمر وشك يا امي بيبتسم
رعشة إيديكي جو ايدي بتترسم
اخركلامي في حضنها ابنك شهيد
وكإنة كان حلمي الوحيد
اليوم يا بلدي بالف عيد
وقف السلاح يصرخ يهلل للندا
طبعي كدة
لو كلب قرب يتنسف
ملعون ابو الغدر اللي كان
طبعك جبان يا غدر مجهول النسب
على جثتي انك تفوت
كلك جراح قالها النقيب
وسلاحي رافض للكلام
يا فندم انا رايح هناك
وسلاحي رافض ينهزم
على جثتي لو فات جبان
يسلم دراعك يا على
اسمي على يمكن ابويا
كان ولي
ووهبني لترابك شهيد
بَلَغْ ابويا ميت سلام
افرح يا حاج ابنك بطل
لو راح علي
حتْماَ هيجي ميت علي
اخر كلامك يا بطل قبل الرجوع
شايل سلاحك قوتك ضد الخضوع
على جثتي لو يوم تفوت
وبلادنا مش ممكن تموت
==================
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
