قصيدة : اكتب بلاش تكذب ..للشاعر / كمال كرباش

يوم ما كتبت

عن أى حاجه

أكيد كنت شاعر بحاجه

حاجه حركت فى مشاعري

وخلتنى أن أحس وأن أعبر

سمعت كلمه أو شفت منظر

أو أفتكرت حاجه فى تخيل

يمكن سرحت وقعدت أبحث

أن أمسك خيط وفيه أتبت

يمكن كتبت أو مسحت

أو أني أشطب

يمكن فكرة جت فى دقيقه

أو في ثوانى أو ساعات

أو قضيت فيها ليالى

كنت أغمض وتنط فكره

أقوم أنط من مكانى

كان ساعات

النوم يجافينى ويعاندني

ياما أتقلبت جنابي

وكانت ساعات تعاني

الشرود كان بيلازمنى

أوقات أكتر من صحابي

ولما كان حد يناديني

كنت كأني ولا حتى سامع

أو أرد وأقول ثواني

كنت بخاف الكلمة تهرب

كنت أكتب على أى حاجه

القلم مايفارقش جيبى

أو يكون قريب منى

كنت أقطع ورقة نتيجة

أو ربما ضهر التذاكر

والموبايل لما ظهر

سهل على اكتر

سبحان الله المغير

هو اللى فى الأمور ييسر

أيوه فعلا كنت بسهر

المهم أن أكتب

ولما أخلص أراجع و أقرأ

واختار كلمة فى معنى

المهم رسالة توصل

وأنها تمس حاجه

أو تكون لهدف تغير

أن تصلح أو توعظ

أو تفهم أو توعي

كان فى ناس أوقات تعارض

بس كان غيرها بيفهم

الاختلاف عمره ما كان

حتى يقصد

أن علاقه الود تفسد

كنت اشرح وجهة نظر

بس بأسلوب بسيط

وكنت أسمع لغيري وأنصت

وكان حقى برضه أنقد

لو أتطلب منى أن أصوب

وأحط نفسي فى مكان حد غيري

كانت مشاعري

فى أوقات أن أسكت وأن أهدأ

وأن مستعجلش فى رأيي

يمكن رأي غير أفيد

ولما كان تجينى فرصه

كنت بالكلام ألمح

ياما أتعلمت حاجات من حاجات

وياما مواقف كانت بتمنع

ياما ناس غيرتنا

وياما ناس علمتنا

وياما فيهم

اللى نسيت واتجاهلتنا

واللى حتى ما سألتنا ولا عبرتنا

وياما منهم اللى مر فى حياتنا

مرور كرام

واللى أجبرونا على الاحترام

وكل وقت وكان له ظروفه

كل حاجه أفتكرها وأكتب عنها

بيمر فى خيالي طيفها

وكأنى لسه شايفها

عايز أقول لنفسى حاجه

كل اللى كتبت عنه

هى مواقف من مشاعرى

مش مشاعر حد غيري

وانى راضى عن قدري ونصيبي

وأن مهما قعدت أكتب

لازم أكتب بصدق

نابع من ضميري

وأن مش لازم أجامل و أكذب

عشان أرضى غيري

لأن اللى بيزرع فى يوم

أكيد أنه هيحصد

وكل واحد هيجنى

وطول ما الكلمة صادقه

انا هيرتاح ضميرى

هى دى ميزه

ربنا وهبنى أن أكتب

عشان لما ناس يوم ما تقرأ تفتكرني

بدعوه يمكن تكون حلوه فى حقى