سكرات الحياة .مسابقة شعر العامية .بقلم/ إيمان مصطفى من مصر

سكرات الحياة
مابين التوهة والفوقة ..تعيش سكرات
تحس حاجات بتندهلك.. وجوا الصمت تلقى حاجات
عيون بالدمعة مخنوقة.. رموش حلفلْها ما تعدى ..وقلبى بالالم يدى
وروح حلفها ما تسلَم ..ولا تكلَم صدى صوتها الى بيعلٌم ..
على جدران شعاع شارد ..وفيه مارد بيندهلى ..بصمت عجيب وأمرى غريب ..كلامه يهز أوصالى
بيرعبنى بيقتلنى يصم آذان ماهيش سامعه
وانا بدمعه توارينى فى حضن سماها تخفينى
مفيش فايده وأنا دايبه ف صمت مريب وألقانى شعاع مسحور
.ف وقت أقل من ثانية …لقيتنى بدور ..وقلبى بنبضه دا يشرَق ..
ويرجع تانى ويغرب.. ويسألنى أنا المحظور ؟؟؟؟
ومين يسمع ..ومين يفهم ..وحالى مبدلو حالى..
مراكبى وسط دوامه ..بتسحبنى بأوحالى ..ومش عارف أنا راجع ..وألقانى فى ترحالى
بعينى التانية ..ألمحها ..جميله تبارك الخلاق.. بتسقينى عسل حراق
وشهد مرارو يقتلنى ..أكلمها تكلمنى.. أغازلها تتوه منى..
أحلَفها تحبينى تقولى فراق !!!!!!!!!!!!!!!
فراق بفراق دا من إيدك شربت المر ..وحليته ف كاسات الذل ..
وفى الاخر.. تقولى فراق ؟؟فراق بفراق
هكسرلك كرستالك … …
وأكشف كل افعالك وأطهرنى من اوحالك ..واخيب كل أمالك
واخليكى بدون ذكرى..غريبه عايشه مش فاكره ..يا وهم يا دنيا يا نكره
فى وسط توهه لبسانى … سمعت صوت بيهمسلى .
أنا الفوقة انا الفوقة .. هتشهق شهقه تلقانى
أنا دنيا …..مانا عارف …..
بعيد عنك هعيش فيكى … خلاص من قلبى هارميكى …بعينى شوفت بلاويكى
وأنا قادر أخليكى تعيشى انتى علشانى..
ومن بعد التوهه الفوقه ..ومن بعد الشقا روقه..وحالى فرحو حالى
ايمان مصطفى … مصر ..