قصيدة : الأم حياة . مسابقة الشعر العامي . بقلم / زكية فيصل

المشاركه شعر عاميه

الأم حياه

ياقوتي في ضعفي يسانده ظهري في شدتي

ولو حزنت في يوم ألاقي عندك فرحتي

حضنك دا سحر يمحي التعب يزيل الهم

بحر العطاء إنتي يأمي يانور منور سكتي

مين غيرك إنتي لو أتوه عن الطريق يدلني

مين غيرك يخاف عليا لو الهوا يمسني

وحدك يأمي تغنيني عن كل الناس

لو تحسي إني في خطر تحاوطي عليا وتأمني

علمتيني وكبرتيني كنتي رفيقتي في كل أوان

دايما جمبي وبتحميني وبتدعيلي في كل أذان

يافرشه في بيتنا الأمان والحب والحنيه

برضاكي عني يأمي بيرضي عني الرحمن

ومهما عملت يأمي حقك مش هقدر أوفيه

طول عمرك بتداوي جرحي ومري بتعرفي تحليه

تشيلي قد ماتشيلي لا تقولي تعبت ولا مليت

وراضيه وصابرة يأمي وكل الحلو قدمتيه

حقك عليا يأمي لو يوم قصرت معاكي

يأغلي عليا من نفسي وروحي فداكي

مين زيك وزيك مين يازرعه الحب في البساتين

ماشيه حياتي بدعواتك ورؤيتك ورضاكي