قصيدة : البحر . مسابقة الشعر العامي بقلم / سعيد عبد الخالق .

مسابقة مجلة همسه
الاسم سعيد احمد عبد الخالق سلام
الشهره سعيد عبد الخالق
جمهورية مصر العربية
ت واتس. 01222524280
‏‪[email protected]

قصيدة : البحر
قاللى شيلنى
قمت شيلته وانتشلته
كان تقيل اترج منى
فاق شويه
اترجى فيا
إنى ارجه رجة تانية
قمت رجه
اتكب منى
واتقلب قدام عنيا
فوق حدود اسكندرية
واترسم شط وسفينة
موجة بتسلم لموجة
ولما موج البحر يعلى
قلبى كان مرسى ومينا
والسفينة كات تشرق
كات تغرب
لما موج البحر يضرب
كات بتهرب
وأما ترجع للمراسى
كات بتحكى كل حاجة
مرة شافت
جوا جوف البحرنار
فكرت انو الفنار
فجئه طار
مرة شافت شعب طيب
كان بيرمى للسمك
محصول بطاطس
فى المحيط الامريكانى
الامريكانى
وتانى تاني قولت شيلنى
قمت شيلتك وانتشلتك
لما حاصروا بحر غزة
ولجل خاطرك
المحيطات كلها
انا شيلتها
وقعت فى ايدى تايتنك
وبواقى اسطول الفرنجة
والفلول
مركب لويس فتشتها
ما لاقتش فيها غير صليب
وقطعت حتة من الخريطة
اترجرجت كل البحور
وسفينتى رجعت للمراسى
اتكهنت طلعت معاش
والصدا خش التروس
والبدن خد وش دوكو
لمعوها حولوها
قاعة للافراح وملهى
والشبك عملوه ستاير