بقلم : سالم أحمد
البلد:مصر
01023514844
شِعرغنائي
يانفسي ليه عند الحيطان تبكي بدموع
وفينا شئ بيتوجع بين الضلوع
رحلوا اللي كانوا عنّا بيشيلوا الهموم
راح الحنين من بَعدهم من غير رجوع
يا بيتنا قولي راحوا فين عنّا الحبايب
نفسي أجيلك أبوس تراب عتب البيبان
وأشم ريحة اللي كانوا فيك زماااان
كان لينا فيك أيام ليالي وذكريات
كان لينا حضن تملي دافي لكنه مات
يابيتنا قولي راحو فين بس الحبايب
ساعات كتير بحن ليك وارجع واخاف
ويهزني صوت الآنين رغم السكات
وينكتب شهد الدموع بسنين جراح
على ذكرايات عشناها فيك من ماضي فات
واحشني منك كل ذكرى حلوه فيك
ذكرى كانت شمش صافيه بتناديك
يابيتنا قولي راحوا فين عنّا الحبايب
نفسي ترجع بس لحظة عشت فيها
لحظة م اللي الحب كان زمان ماليها
لما كانت أمي تحضني بأيديها
وكل حب الدنيا مرسوملي ف عينيها
آآه وآآه من العذاب بعد الغياب
لو هنكتب محتاجين الفين كتاب
