الإسم عبدالنبى محمد رمضان
إسم الشهره عبدالنبى رمضان
تليفون ٠١١١١٣٦٢١١٤
شعر عامى
إسم الصفحه على فيسبوك الشاعر عبدالنبى رمضان
البيت لا يمكن يوم يقع
البيت لا يمكن يوم يقع
طول ما إحنا ساندين الحيطان
البيت لا يمكن يوم يقع
طول ما إحنا مانعين الجبان
ينخر بسوسه فى الأساس
إحنا الأساس
إحنا الأساس عاملينه صح
بس الأصح
إن المحاره إتشققت
عمدانه بس إتشرخت
يمكن حيطانه إتغرقت
بهموم زمن
إيه الثمن
إحنا الثمن
لأ مش أكيد
طول ما احنا ماسكين فى الحديد
البيت لا يمكن يوم يقع
دايما حيطانه تضمنا
و بعيش و ملح يلمنا
يمكن يكون مات بعضنا
لو حتى موتنا كلنا
البيت لا يمكن يوم يقع
إزاى يقع و إحنا الأساس
لو يوم قواعده إتفرقت
و إزاى هتتفرق يا ناس
و إحنا اللى رابطينها بوريد
و بدمنا متجمعه بقوة حديد
نفضل على طول الزمن
إيد ماسكه إيد
يبقى أكيد
البيت لا يمكن يوم يقع
