قصيدة : التائه . مسابقة الشعر العامى بقلم / عبدالرحمن محمود عبدالفتاح

الاسم : عبدالحمن محمود عبدالفتاح
الدولة : مصر
رقم الهاتف والواتس : 01096392515
نوع الشعر : عامية

عنوان القصيدة : التائه
واقف كما التاية
وكالتاية وقفت انا
بسأل الناس انا مين
وتسألني الناس مين انا
قالوا
راغب في كل شئ ممنوع
وممنوع من كل شئ راغبه
مؤمن بكل شئ مكتوب
ومش عارف للمصير اخره
وشق صدري سؤال
فين انا من كل شئ حابه
وواقف بعلو صوتي
ياناس مين انا ردوا

رد واحد من الواقفين انت كائن علي اتنبن بمشي
انت نقص لسه يابني مكملشي
انت الحاكي كتير جدا واخرك بس معلش

ورد التاني بكل هدوء انت سيزيف بلا الصخرة
ضحية كل شئ موجود
ومش عارف للطريق وجهة
كما العازف ع العود
ومش عارف للغنا فكرة

ورد التالت بصوت مرفوع
انت الصوفي بلا مذهب
الناصت لكل شئ مسموع
ومش عارف لفين يهرب
فكر يابني ف الموضوع
وافهمني بس لو ينفع

بكتب دا بس من غلبي
جايز تهرب الأفكار
مريض مش عارف سبب تعبي
ومين ف الحزن عنده قرار
انا المغلوب علي امره
انا الكاره لكل شئ آمره
انا الجاهل بكل شئ عارفه
انا المجهول حتي بين اهله
انا الفاعل لكل شئ مفعول
انا القاتل حتي لو مفيش مقتول
انا المذنب بس من غير ذنب
انا المنسي في كل اوان ……انا العايش بلا عقله