أسم:محمد عمادالدين محمد المحافظة:الإسكندرية لينك صفحة الفيس: https://www.facebook.com/profile.php?id=100009422051526 الهاتف:٠١٠٣٠٦٨٤٦٣٤ نوع العمل:شعر عامي أسم القصيدة:الحب خيبة
النص: سنين من عمرنا راحت ويمكن نسينا هوانا وجوانا لسه عايشه بواقي الحب عشمانا نخطف لحظة نتقابل موضوع ف التاني نتبادل أحكيلِك إني مهزوم وإني بحارب وحدي الهموم وإني أتمنى أزورِك ليلة ياه لو يبقى الحلم حقيقة وأن اللي فات مات وأن مفيش من الليلة سكات وأنِك مهما غبتِ سنين ومهما عيونك شايله أنين لسّاني في حبك فرع ثابت ميهزه الريح
خذلتيني بكل آهات الوجع جوايا بقولها بكل لحظة مرُ عدت وبكل ذكرى بينا في يوم عيشتلها أحكيلك عن الحب؟ فتردي بكل برود وترمي لقلبي كلام كالسم وتقولي بكل جحود خيالك مريض وصورلك وهم وتدخلي في مبررات وتعيدي كلام ماسخ ..بالساعات وفي النهاية مَش كل من حب أتحب ولا كل قلب فتح بابه كان فيك دايب
تتعلق فتسرح فتسهر فتقع في فخ الحب فتنسى حياتك وتتبدل أوقاتك وتصحى الليل بطْوله برغم أن أنت مَش قادر هتعمل ايه يعني؟ ما الحب على العاشق قادر وتاخد حبيبك كأنه الكون ومهما تعدي من جنبك نجوم لامعة هيفضل قمرك المعتم في عينك كأجمل ضوء فتعتزل كل البشر وتسمع صوت يونّس قلبك وتتأكد أن هيجي يوم فتعرف أن البشر عزوة وإنك كما هجرت هتُهجر فيبان الحب في عنيك وتبان الحلوة فى كلامك عنها وتتخيل إنها ليك وانك يا سيدي عايش ليها وعشانها فتعرف تاني بعدين أن الحكاية خلصت بموت بطلها وأن الحب خيبه وغلطة مَش لازم تكررها
تحرّص قلبك من العلاقات تخاف تدخل علاقة تطلع منها خسران تشوف كل الناس كما الفقرات لكل واحد دوره فياخد منك ويهلك روحه ويترك قلبك وحيد حيران فتنسى الناس وتنزع حاجة من جواك “تُسمى بالإحساس” فتعتاد الوحدة وتسرح فى السما بخيالك تفكر فى أكبر كدبة في واحدة كانت بكل الناس
بشوفِك في كل الخلق و أهرب منِك ليكِ ألاقاني جايلك أوام بمشي الشوارع الفاكرة وأسال أراضيها عنِك بعيّد اليوم معاكي عشرة وأفتِكر أول كلام أول سلام وأنت مكسوفة وبعنيكي في الأرض باصة أول مرة ناديتي بأسمي أول عيون تجمّل شكلي أول نكتة ضحكتي عليها أول حاجة كانت تحصل أحكِيلك عليها عرفتي ليه لسّاني فاكرك ؟ وعايش عالذكرى اللي سبتيها
بروح كل الأماكن وأسأل شبر شبر فيها فتسبقني دموع العين لحاجة مليش نصيب فيها كان لية؟ مدام البعد آخر القصة بنتعلق لية؟ الحب خيبة كمل لذاتك وأنسى اللي كان الحب خيبة سيب اللي سابك منه للزمان الحب خيبة ونس حياتك وأشعل فيها الأمان وإياك تأمن لغدر الدنيا ده الغدر طبع وعلى الإنسان غلاب
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
