الاسم: محمود مصطفى محمد السيد صبري
السن: ٣٤ سنة
الجنسية: مصر – الاسكندرية
صفحة الفيس بوك: https://www.facebook.com/mahmoud.mustafa001
رقم الهاتف: 01100104893
مسابقة القصيدة العامية:
الحلم نور:
كأن الحلم نور خافت
وناس شافت .. بعيد
خافت ..
تقرّب منه ..
تتلاقى بباب مقفول
وناس عاشت ..
بتحفر بالضوافر سكة يمشوها
وناس نايمين بيتمنوا
يعيشوا في دنيا حبوها
وناس بتقول:
لا دول راضيين
ولا التانيين
وكل المخلوقين من نور
بيحسدوا مخلوقين الطين
على الدنيا اللي بضفيرتين
وعلى بكرا اللي مش مقتول
فمش لازم تعُد تصبر
وآخر كل صبر تنول
ساعات ..
الكورة حلوة وتيجي في العارضة
ساعات ..
ضربة جزاء تدخل في نص الجول
وفي الحالتين
بينسوا اللعب والملعب
ويفتكروا اللي كسب الماتش!
ماتتأخرش
لكن بالراحة على روحك
وروح إمسك لجام الصبر
مافيش شاعر بيتخانق
مع القلم اللي مافيهوش حبر!
بسيطة الدنيا ليه تصعبها على نفسك؟!
وتبني حيطان من الحزن – اللي هيعدي-
وترجع تشتكي حَبسك ..
في ليل كل أما تسهر فيه
تلاقيه بيطول!
طبيعي الدنيا لما تزعّلك، تزعل
لكن بأصول
وبالمعقول
أقول لك سر؟
مافيش للحلم أصلا باب
تخاف تمشي تلاقيه مقفول!
محمود مصطفى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
