أصل الحياة متغيره
عشان نعيش فى الحياة
ويكون عندنا رغبة وأمل
فبدون زعل او عكننه
محتاج
تتنفس نسيم هواء
يكون خالى وصافى ونقي
متكون من
ثانى أكسيد العاطفة
المتوقفه
على جرعات من أوكسجين
سارى جوه الأورده
يمكن ساعتها تحس
إنها بداية إنطلاقة مشرقه
لإن الجمال
هتشوفه فى الطبيعه كلها
حتى لو فى حاجه صغيره
أصل التفاؤل
هيخليك سعيد
وتقدر تحفر فى الحجر
وتنقش على الجدار
طلاسم محدش يقدر يفكها
متقولش ساعتها حجر رشيد
والعالم قصادها ينبهر
ما هى كل حاجه فى الحياه
بتبقى لغز فى اوله
متشفره
والمسأله مش معضله
بس مين اللى يقدر يفكها
اللى يكون عاش تجربه
زيها ويقدر يفرق
بين الثمينه والمزيفه
ويقولوا عنه أنه خبير
وعالم أثر
مر بتجارب أكتر من تجربه
كان غيره ممكن ينكسر
لكنه وقتها كان قوي
وخلاص الضهر إنحنى
فبقى مستشار
نرجع له فى الكبيره
والصغيره
أصل الحياة متغيره
ومفيش حاجه على حد
هتقف
والواحد كتب اللى عليه
ونسيبه للى يفهم بقى
عشان نعيش فى الحياة
ويكون عندنا رغبة وأمل
