الاسم محمد مرجان
الدوله مصر
شعر العاميه
اسم القصيده (الدوبلير)
بقيت اكبر من اني
أضيع وقت في التفاهات
بقيت اشطر ومش
فارق معاي حب او شيء فات
بقيت كل اما احس الضعف
افلفص واشحت القوه
واقوم رافع بأيدي سقف
من الخيبه
بيطحن روحي من جوه
مابستغربش من قلبي
اللي شق الريق على حبك
صبح منشق متنسر
بألف طريق
ومش ذنبك
مهش ذنبك تلاقي حد
تركيبته مهش كداب
ملوش اصحاب
لا متلون ولا منفسن
بيمضي عالسما ويبصم
بان الدنيا من غيرك
ماتسواش انه يتبسم
مهش ذنبك ومش ذنبي
ان دلوقتي بقيت عادي
لنا بهتم بحضورك
ولا بهتم بغيابك
بقيت عادي بليد الحس
متربس ومتنجس
بكام جنسيه متجنس
لا انا بزهق ولا بزعق
وبتنفس وبتتريق
على المخاليق
بكلم كل يوم واحده
وبوعد كل يوم ميت وعد
وكل ما بمتلك واحده
برسم خطه محبوكه
عشان البعد
انا اللي مشاعري بنت بنوت
على يدك بقيت بعدك
بكح حريم
بقيت جته اتهرت تعقيم
بقت يدي بتتلخفن
كثير جدا من التسليم
بقيت عادي بقول الشعر
ما اهتمش بقوله لمين
بقيت رابط متاح دايما
بقيت موقع من الاحساس
مزار للكل
وقلبي اللي انتي فكيتي
بكارته معتش بيقصر
بيكسر اد ما بيكسر
ويخسر اد ما بيخسر
لا بيندم ولا بيستر
ولا بيصغر ولا بيكبر
بمليون شفره متشفر
بعبيه كل يوم احساس
ويتبخر ويرجع تاني يتصفر
انا الطيب
انا البيراللي كان مليان
مشاعر خام
عمًرتك وقدرتك وكبرتك
وعند ما جينا وقت الجد
بقيت سجاده سهل الفرد
لا تنفع تشتكي الحزيان
ولا تجوز للصلاه والفرض
انا اشتريت الهبل
في العشق بالكيلو
شلت اللي ركبو الجمل
ومسكت انا في ديلو
وقفت على المسرح
من بداية العرض
مافيش بطل غيري
واماً ابتدو في الجد
والشغل بقى ميري
اطلع يدوب دوبلير
لمتين بطل غيري
