قصيدة :الرواية الساذجة .مسابقة الشعر العامى بقلم / إسراء لطفي

م الغباء انك تحب
أو يكونلك قلب شارد ف الخيال
والحقيقة الحب كذب
لعبة ماسخة تصدع الحتة الشمال
م الغباء انك تكون شخص طيب أو خجول
جوا عصر وسط كون اختفت فيه العقول
م الغباء انك تدب وسط وهم وسط ماضي
مش هتلاقي غير تعب وسط ناس بالها فاضي
م الذكاء انك تشب
بطل حي جوا نفسك
ما الدنيا قسمة ضرب
شئ مكتوب منهم بإسمك
م الذكاء انك تكون
شخص سالم شخص غانم
ما الحياة مليانة حرب
جوا قلب حبه دايم
م الغباء انك تسيب
حد يغرق وسط نهر
حد كانلك يوم طبيب
حد عيشته ف قهر
واادي الراوية ورقها زاد
قولي منين اجيب كلام
النهاية ميعادها عاد
تيجي تخلص تعود ألام
فنرجع وع الكتف نطبطب
وكلام الحب مابينا يدوب
نكسر قُلة علي فراقنا انتي الحبيبة وأنا المحبوب
والحب يعشش ف قلوبنا
ونكون عصافير جنة وطايرين
نجري ف جناين هنا وهناك
ونحط كتاب تعليم عاشقين
ونيجي لساعة الجد ينط
حتي لو قط؛ يعلم بط العوم
فمن الغباء انك تحب
أو يكونلك قلب شارد ف الخيال
والحقيقة الحب كذب
لعبة ماسخة تصدع الحتة الشمال
وارجع لنصيبي من تاني
والراوية ورقها يزيد
مش لاقية كلام بمعاني
ف أخر صفحة بالتحديد

بعنوان : الرواية الساذجة
اسمي :اسراء لطفي
البلد:مصر محافظة أسيوط
لينك الفيسبوك : https://www.facebook.com/esraa.lh.3
رقم الواتساب :٠١١٥٧٥٨٥٤٩٦