_ _ _ الزمن الباهت _ _ _ ليه يا زمن زعلان فيك الرجال تماثيل بيترصوا و ناس بيسعوا بالعرق و ناس بالواسطة بيتوصوا و ناس خاينه علي الأوطان بيتعصوا آه يا زمن حيران فيك الأصول عواجيز و فيك الشباب مانيكان آه يا زمن مزازيك أهله لغوا الأبواب و دخلوا من الشبابيك ليه يا زمن بقيت ملتوي فيك إللي يسوي مبتلي و إللي ما يسوي يعتلي ليه يا زمن أهلك بقوا ديابه منهم إللي نهش لحم الوطن و منهم إللي بحبيبته غدر و إللي في غيله قتل العسكري علي و منسي و دبابة آه يا زمن حركات و أصحاب بأنياب وشهم مريات في الضهر طعنتهم مشئومه طلعتهم علي إيديهم قلب الشهامه مات آه يا زمن أطفاله من غير وشوش رضعوا لبن مغشوش وشبوا من غير ملامح أخلاقهم لون شعرهم منكوش آه يا زمن باهت بيهشكه طبال و تهزه رقاصه آه يا زمن هايف أنا قولتها كلمه و منهم منيش خايف و عجبي !!! ٠ بكر بسيوني
