تفتكروا السعادة فين ؟ في قلب عاشق و ﻻ بنوك و بيزنس و عربية حلوة بالريموت تفتكروا ممكن تكون في حضن دافي و ﻻ حتي الدفا بقي يتحسب بالبنكنوت طب سيبك مني مين فيكم سعيد و بيحس بالسعادة و بيشحنها من غير كروت أصل السعادة بقت خطوط مش زي سابق فاكهة حلوة أو سلطة فروت أو ضحكة حلوة تبان فيها السنان زي اللؤلؤ و الياقوت السعادة بقت زي هلال في السما بيبعد و يختفي ما تحقق له الثبوت أنا مش فاقد الأمل بس دي حقيقة متعلقة علي وجوهنا إن السعادة اختارت البعد عنا و عاشت ويا خيوط العنكبوت و كل ما نقرب نتكعبل فيها من كتر الخيوط و دا حالنا في البحث عنها في الشوارع و الحواري و البيوت ( عبدالحميد التهامي )
