قصيدة : الشارع .مسابقة الشعر العامى بقلم / محمد محمد عبد الصادق

الاسم / محمد محمد عبدالصادق
البلد /جمهورية مصر العربية
رقم التليفون والواتس 01010472121
المشاركة / شعر عامي مصري
خاص بسابقة همسة
عنوان القصيدة ( الشارع)

أنا الشارع
أنا الزحمة
أنا اللمه
أنا اللي جعلت ميم الوصل بالضمه
أنا هما
بأحزنهم وأفرحهم
كتبت الشعر من قلبي
عشان حاسس أوجعهم
وقت الحزن يجمعهم
وقت الفرح
تشوف البسمة في وشوشهم
تداوي الجرح
ضحكة بريئه مع طيبة
عرقهم عطر تركيبة
معني حياة
كاحوت يونس في قلب البحر
دلليل لنجاة
حاول مرة تسمعهم
تمشي جواه حواريهم
مهما الدنيا توجعهم
وقت الشدة تلاقيهم
عرقهم يروي عطش الأرض
يطرح ورد في أيديهم
انا منهم .. أنا ليهم
أنا الشارع بكل ما فيه
بفرحة شاب خلص جيش
بفرحة بنت جالها عريس
بفرحة يوم هلال رمضان
تلف عيالة بالفوانيس
بفرحة مينا ومحمد
بلعبة سيجا أو خلاويص
يا حلم حلمته في الشارع
اتبدل في الحياة كوابيس
بداية قصه جوايا
بطالها لسا في الكواليس