قصيدة ..الطفل . مسابقة الشعر العامى بقلم / كامل بدرخان ..مصر

كامل بدرخان
Kamel Badrakhan
جمهورية مصر العربية
01008698902
الشِعر العامي
بعنوان
إنت الطفل ماحدِش أدُّو
إنت حفيدي وأنا جِدّو
إنت الّلي أنا آجي عَندو
إنت الّلي ماحدش يعاندو
طفل ومهما إتجاوز حَدّو
حلوين على قلبي وبتعَدّو

الله عليكوا وإنتوا بتتغَدّوا
تلعبوا كتير ومابتتهَدّوا
بعديها تذاكروا وتعِدّوا
لحد عشرة ونقول مين أدّو؟!
النهاردة على رِجليكوا بتتمَدّوا
بكرا رِجّالة وفي الحرب تسِدّو

إنت ياحبيبي دلوقت صغيّر
كلها كام سنة وتكبَر
وتصلّي فرض الله وتكبَّر
وتبني الدنيا وتعمَّر
ولو قلنالك سينا هتعبُر
بسرعة قنالك وهتصبر

عايزك تتمتع بطفولتك
إلعب وإنت لسه ف كافولتك
ربنا كافلك ثم أنا كفَلتك
والله ل أعملَّك أجمل حفل
يليق بيك ياد يا طفل
فتَّح مُخّك ماتبقاش قِفل

إنت مش معقول
لسان حالك بيقول
أنا الطفل ماحدش حاسس بيّا
أنا الّلي الدنيا جايّا عليّا
أنا الّلي ماعيشتش طفولة
كلِّفوني بشُغل وأنا في الكافولة