ط
الشعر والأدب

قصيدة : العقلاء . للشاعر / رضا ابو الغيط

نحن العقلاء نحن العقلاء

مش سامعين غير

هلس الغوغاء

وودانا خلاص بتقول ده حرام

نسمع انتش وكمان شيماء

حصل ايه ف الدنيا

ياخلق يا هو

ولا على فين رايحة الأخلاق

من بعد اسح اندح امبو

والفن انهار وصبح أشلاء

نحن العقلاء عقلنا هيشت

وقلوبنا ف عز الليل بتنت

بقى بعد حليم وآهات الست

نسمع أغنام بتقول ماء ماء

حتى التعليم بقى مهرجانات

وسناتر فيها شباب وبنات

ربنا يرحمنا من النكابات

ويزيح عننا كل الأوباء

منكوا لله يا أهل الإعلام

خليتوا الفن صبح ألغام

ونسيتوا العلما والأعلام

وكلامكوا بيسرح زي الداء

نحن العقلاء دمنا محروق

من ناس بتشوه معنى الذوق

وهدفنا الناس م الغفلة تفوق

يمكن ترجع ثاني الأخلاق

**********************

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى