الغربة أمانة ياغربة تحافظي عليه وتحني وتشوفي بعيني وضمي دا مني وكفوف لياليكي تحن عليه وخطاوي الشارع ليه احضان واوعي تحطي الخوف ف عنيه واياكي في لحظة تقسي عليه حلي الشاي بأمان مش سكر كل ما نبعد شوقنا بيكبر والمسافات بتزيد ومسيرنا نصلي صلاة العيد وادينا مشبوكة وتكمل بينا باقي الحواديت ونعيش من تاني اوعي ياليل الغربة عليه تبقى اناني حن وطيب وهاته قريب وابعت رمشي ليه جوبات مكتوب فيها امتى الشوف ييجي العين كل حيطان البيت مشتاقة كل أركان الدار مساكين قلبي وروحي فيك ماسكين زي فراشة نزلت تشرب جوا عنيك العسلي فغرقت وتاه العمر في احلى سنين أمانة ياغربة تحافظي عليه وتحني حفيظة العطيفي جمهورية مصر العربية محافظة اسيوط
