قصيدة : الفرصة . مسابقة الشعر العامي بقلم / بدوي سلامة

⁩: بدوي سلامة .. بدويـــــاات
جمهورية مصر العربية
01287401191 واتس
966598922616 فون وواتس
شعر العامية

الفُرصــة

الدنيا حلقة ولُـغز ،، ونهــاية مكتوبة
والصُحبة ورقة حظ ،، ع الضَهر مقلوبة
اصحاب كتير بالوقت ،، هتشوفها معيوبة
وانا صاحبي كان البخت ،، والنجدة والتوبة

صاحبي اللي راح ومقالش ،، واصحابُه أخدو عزاه
قاللي الفُرص متضيعش
صاحبي اللي كان في النعش ،، وملايكة فوق شايلاه
عايش ولسة مماتش

صاحبي اللي غاب مسألش .. كان مُسالِم

كان مُسالِم ،، كان سوي
كان فُكاهي وفهلوي
وإكمنُه كان طيب اوي
إتكـاترو ناس حواليه ،، طمعوا في بياض قلبه
ويا عِيني من غُـلبه
الـ كفة مالِت بيه ،، وإتقلبت الموازين

نصبولوا ألف كـٰمين ،، وإتفقوا بالإجماع
كل الحكـاية كاسين ،، ونغيّـر الأوضــاع
هنروحلهُ يوم البيت ،، ومعانا حشيش وخَمرة
يشرب من غير حساب ،، يسكَر ويجيلنا بُـكرة

والـ مرة تجيب في مرة ،، يتعود عـ المزاج
هيجيلنا لوحده مرة ،، يُطلب مِنّا العِلاج
نديلهُ حبوب وقطرة ،، ونسيبه وبعد فترة
هـ نروحلهُ مفاجأة تاني ،، ونقوله الحـَوجة مُرة

والدنيا ساعات بتاخُد ،، ضِعف اللي بتاخدُه منها
وتكلِف حد ياخُد ،، ويرُد الدين مكانها
ويسيبلك منها قَرصة

ولَع ،، ولَــع ،،
ولّــع وبُص لــ فُـوووق ،، وإشرب عشان تنسىٰ
واِنسىٰ إن فيه مخلوق ،، هيسيبلك الـــ فُرصة
ولّــع عشــــان لــسة
فيه كام چوان محروق ،، بيحلي فـ القصة

الخِطة ماشية تمام ،، والوقت بيعدي
الدنيا درس عَـــلام ،، والعُمر متوضي
السهرة فيها كلام ،، والصُحبة مش مقيــاس
وفـ مَرة حَب ينام ،، وفي إيده چوان وكاس
سِمع الآدان بيقول

وبسرعة قام علطول ،، يتوضىٰ ويصلي

إستغيبوه
إستغيبوه ،، فاستغربوا
وقالوا فين هوا
إستنوا حبة وجربوا
ينادولوا من جوا ،، ملقوش ولا رد واحد
وعشان دي فُرصة ويهربوا
كُلهم رفضوا ،، إلا واحد

هوا هوا ،، ويُعتبر كان الفتوة
غصب عنهم خدها قِوة ،، وراح مِكسر بابُه جامد
فاتلقــــاه ميت وســـاجد

حُسن الخِتـــام

https://www.facebook.com/profile.php?id=100074880609225&mibextid=ZbWKwL