مشاركتي في الشعر العامي
قصيدة .. وحشاني
ءءءءءءءء
وحشاني
اه يا بلدي مش ناسيكي
مهما حجب النور عنيكي
عايشه فينا وعايشين بيكي
وبدمي وبروحي افديكي
يانجمه في حضن القمر
والورد فوق جبينك بات
تحت الشجر ع المصطبه
يا ما سمعنا منك حاجات
هواكي من هواكي سرح
لعب بشعر البنات
والبسمه فيكي بقت سمه
تجدد الشوق والاهات
ونخيلك بيحكي مجدنا
بيطل ع الزمن اللي فات
يوم مارجعنا ارضنا
بقوه وبعزم وثبات
غصنك علي شجرك طرح
فرح بيه الطير البعيد
وجبالك عروسه متزينه
فرحانه بالتوب الجديد
وشعبك دايما يغني للسلام
رايه وعايش في ظلها كل الانام
اشواقي ليكي ملهاش حدود
بحلم ساعه الزمان يعود
تناديني وانت متيمه
قوم يا شبل عن ارضي زود
ارسم من بدنك ملحمه
وريهم مين هما الاسود
وريهم مين هما الاسود
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
