الاسم / عبدالله محمد محمد دعدور
الصفحة الشخصية/ فارس عبدالله
رقم الواتس 01273596693
البلد جمهورية مصر العربية
خاص بالمسابقة فئة شعر العامية المصرية
القضية
دم الجريمة فشنك
وكل الشهود ع الذئب متفقين
النية سودة وزفت
فى عين الشهود وكوهين
عشمهم إن الذئب يفارق المطرح
شريطة إن الغنم يحس بكبت
مشوفتش على خشبة المسرح
زي بتوع السبت
يقنعوك بإن القدس مش عربية
وان قطف روح الرضع لدواعي أمنية
دور الضحية عطياهم رخصة للعدوان
الرخصة باطل والميزان امريكاني
والجاني والمغتصب فى الكفة مجني عليه
نشوف فى عين الحر جيش
بيقول ده طيني
عشمان يرد العدا
ويموت وعين الوطن
تديله بصة رضا
وتقوله يافلسطيني
أنا طيني عمره أصيل
مطرحش غير شهدا
والغدر والخسة دي طبيعة البعدا
افتح بيبان الأمل
وعلي من سقف الطموح
خليك علامة ومثل
روح التاريخ بتبوح
أنا لسة صوت حطين
فى وداني أجمل جرس
دبدبة الخيول وقولة حكماء الحرس
موتة الفرسان تبان
لو دمعت عين الفرس
اللعنة على اللي خان
وضمير العالم اللي اتخرس
يسقط حلاب الغطر
ودعاة الحرب والتهجير
ياللي التاريخ بيوجعكم
متدعوش الشرف والخير
لا عجل السامري من مالكم
ولا ليكوا ف خيرنا كيل بعير
حرفتوا شريعة الأسفار
وخنتم العهد القديم
وخدكم جبنكم للتيه
يالصوص ومحتلين
ياللي تاريخكم عار
المجد لفلسطين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
