قصيدة في فئة الشعر العامي
بعنوان /الله يعينك
للشاعرة /أمل عبد المنعم حسين
أسيوط. أبوتيج
٠١١١٨٩٥١٠٩٣
إهداء إلى فخامة رئيس الجمهورية
القائد العظيم / عبدالفتاح السيسي
الله يعينك
عـلى الحمول الـ شايلها
قصة لابد تكملها
دوامة دايره فـ دوايرها
منقولش غير الله يعينك
يعجبنا قوي كل تواضعك
تملي خليك على وضعك
الشعب غلبان محتاجلك
عايزين يا ريس تفانينك
**
دورك وربك عطهولك
وإحنا ف ضهرك ساندينك
يا ابن البلد شيل فـ حمولك
منقولش غير الله يعينك
**
خليك معانا فـ طول الخط
رسينا ياللا قوام عـ الشط
خطط قوام وإحنا ننفذ
دا المصري جد ف ساعة الجد
وبإذن مولانا هـ ننجز
داحنا اللى برضه عملنا السد
**
افرش بساطك ونادينا
واللي يعادينا هـ يخسرنا
وطول ما ايدك ف ايدينا
مين دا اللى يقدر يكسرنا
**
أم الشهيد خد بإيديها
اعطف عليها وواسيها
دي لما قالت فين ولدي
جاوبوها مات على أراضيها
قالت ميغلاش على بلدي
والدمع حاير فـ عنيها
**
حق الشهيد مين قال ضايع
يا أم البطل أوعى تخافي
حق الشهيد راجع راجع
ناقش حروفه على كتافي
**
بلدنا فـ ايديك يا مناضل
واللى يعاديها عليه قادر
غالية وفـ العين شايلينها
وعشانها نتعب ونعافر
وحياة كريمة وعايشينها
والخير فـ بلدي ملوش أخر
