قصيدة بالعامية المصرية
الاسم مها فتحي احمد
اسم الشهرة ماهي أحمد
01283872423
الليل ستـّار
*************
الليل ستار
مليان أسرار
بيخبـي دموعنا المنسابة
ويداري آلامنا من اللايمين
في قلوب صبحت بينـا ديابة
بتدور بس هتكسر مين
الليل محتار جواه مساكين
نايمين صاحين
وعيون نازفين
مش لاقية حنين ونوت تفرح
تاه المطرح بين التايهين
الليل مظلوم غرقان ف هموم
لا بيقصد يوم يجرح عشاق
ولا بيطيّـر من حد النوم
ولا عمره كان أبدا قاسي
دا الدرع الصلب
و القلب المعجون بزهور الحب
يرقص وياخدنا ف أحضانه
و النسمة الحلوة ف شريانه
بتطبطب على يومنا ببسمة
من بعد ماعرفت عنوانه
الليل دا حنون
عاشق بجنون
ما هو زي الأُم
عمـال بيـضم بجنحاته
أصوات الآه
ويداوي أنين والناس نايمين
ومش حاسين
أوجاع القلب ونبراته
الليل دا برئ
لكنه جرئ وموش خواف
بيشد لحاف الدفا والستر
بيخبينا بقلبه الشواف
لا بيعرف ظلم
ولا يعرف غدر
دا الليل بينور جوانا
أقوى من البدر
